***&&& لــــــــــــقاء ياسر مع مجلة اصـــــــــ

لقاء شامل مع ياسر القحطاني في مجله أصوات

بطاقته الشخصيه – طفولته – هوايته – فنانينه وشعراءه – ناديه عربياً وعالمياً –

كتابه المفضل – جريدته ومجلته – لونه – عطره – سيارته - أكلته –

مواقف الشهرة – أوصاف زوجته – بلدة المفضل – اقرب الأطفال له –

أعلاميين مفضليين – شخصيه يتمنى لقاءها - .......... والكثير في هذا اللقاء



عبر مجله " أصوات " : ياسر القحطاني يموووت في " رنــيــم " ويفتخر بجماهير الهلال يحب ان يعيش حياته على طبيعته لم يكترث لشهرته قد تعيقه عن التنقل لامكان يريد وفي اى وقت وعندما يتعلق الامر بالصحافه تجد متجاوبا ومتفهما , تجاوب معنا من اول اتصال ولكن هل يستطيع احد الامساك بلاعب محترف ؟بدأت تفاصيل لقائنا به منذ اشهر وتحديد قبل نهائي كأس ولي العهد في الموسم المنصرم وتأجيل اللقاء لما بعد المباراه داهمنا معسكر المنتخب للاستعداد لتصفيات كاس العالم ولاننا في " اضوات " نريد ان يظهر اللقاء في شكل مختلف ومميز , تابعنا تحكرات القناص حتى وصل للرياض لكن هذه المره عدسه اصوات , ولكنه افلت منا من اللقاء ولم يتسرب اليأس إلى داخلنا حيث بقينا في بهو الفندق الذي يقيم فيه المنتخب لثلاثه ايام متواصله التقينا فيها بالنقاص ياسر القحطاني قبل مباراه اوزبكستان واجرينا مع اللقاء المطول عن حياه هذا النجم ولم يتبقى لنا الا ان ندعوكم للاتسمتاع برحله في حياه النجم ياسر القحطاني .


نريد أن نعرف معلوماتك عن بطاقتك الشخصيه ..
ماجبتها والله..! (قالها مازحاً) ثم أردف..أنا ياسر سعيد القحطاني من مواليد 1982م أعزب وبرجي هو الميزان.
كيف كانت طفولتك؟
لايوجد فيها شئ مميز أنا واحد من بين تسعة أبناء الاوسط بينهم تحصلني لامدلع ولامنسي الحمد لله الوالدين الله يحفظهم مو مقصرين معانا كلنا.
ماكنت تغار من اخوانك اللي ماخذين عنك الدلع؟
لابالعكس الوالد والوالدة معطين كل واحد حقه بس يمكن اللي يميزني وخلاني اخذ شوية دلع هو إني جيت بعد 3 بنات فكان لولادتي فرحه عند الاهل وتدلعت شوي بس مو كثير.
ما اسم حارتك أيام الطفولة والمراهقة؟
حارتي أسمها العقربيه في الخبر في المنطقة الشرقية ولازلت عايش فيها منذ طفولتي
هل كنت متعلقا بكرة القدم منذ طفولتك؟

طفولتي كانت على مراحل في بدايتها ماكنت هاوي الكره لكن بعدين بديت أمارسها.
من هم اصدقاء الطفولة؟
أصدقائي هم عيال الحارهة لازلت معهم رغم مشاغلنا اللي سافر واللي مشغول بدراسته وانا بالكرة .لكن يجمعنا شئ واحد هو المسجد دائما بعد الصلاة نجتمع مع بعض وحنا خمسة أنا وفهد وسلمان الخالدي وعبدالرحمن الجنيد ونايف الحسين.
هل تذكر اول يوم لك في المدرسة؟هل تذكر أسم المدرسة؟
أذكر مابقى دمعه إلا هليتها(يقولها وهو يضحك)كنت في روضة الواحه في الخبر وكان نظامهم اتكيت وحركات اذكر الوالدة لبستني الكرفته وكنت ابي المدرسة ومتحمس لها واول مادخلت وتركتني الوالدة بكيت عليهم لحد ماقالوا لي رح لبيتكم كان هذا في البدايه وبعدين تأقلمت واذكر في حصة الرياضه كانوا يخلونا نلعب الكورة باليد وانا ماحبيت هالوضع وصرت كل ماتجيني الكورة احطها في الارض وألعب برجلي واسحب بالصغار وكان فيه اثنين من الصغار في كل حصة رياضة يجلسون يبكون وإذا جتهم المعلمة تقولهم ليش تبكون يقولون ياسر مايعطينا الكورة!!

هل كنت مشاغبا وتضرب بالمدرسه؟
ماكنت مشاغبا بس كنت أتحرك كثير يعني(مااقر في مكاني)ماأحب الجلسة.
هل كانوا المدرسين يعاقبونك على كثرة الحركة في الصف؟
لابالعكس ماكانوا يعاقبوني لانهم يعرفون أن حركتي ماكانت مصطنعة وهذي طبيعة ياسر وتحصلني إذا سألني المدرس وانا ملتفت اجاوبه بسرعه لأني مركز بسمعي معه.
كنت تنضرب في المدرسة بينك وبين الطلاب او تضربهم؟
لاكنت في الابتدائي مسالم لا اطق ولا أنطق.
وبعد الإبتدائي؟
طبعا بعد الإبتدائي يعتبر الواحد دخل مرحلة جديدة وكنت أشوف اخوي الكبير كل يوم داخل لنابمشكلة وهواش في الحارة ومشاكل هذاك الوقت لكن الشي اللي تغير بالنسبه لي من الإبتدائي كنت اشوف انه عيب اروح المدرسة ببدلة الرياضة كنت احس انه لازم البس ثوب وغترة لانه اللي يلبس بدلة وقتها كان مدلع واللي يلبس ثوب يعني رجال وبعدها عاد بدت المشاكل بالنسبة لي لاني كنت أتاثر بأخوي الكبير عبدالحكيم في لبسه واللي يسويه عموما وصرت ياطاق يامطقوق مع عيال الحارة.

حدث عالق في ذهنك منذ الطفولة؟
ما انسى وفاة صديق عزيز علي جدا درس معي من اولى إبتدائي حتى الرحلة السادسة وتوفي وقتها رحمه الله عليه(قالها متأثرا..)
كيف توجهت إلى كرة القدم؟(حدثنا عن البدايه)
بدأت مع فريق الحارة اللي كان أسمه فريق العقربيه بعدين التحقت بفريق حواري أخر هو فريق شركة لوتو عن طريق المدرب القدير حمد الدوسري واللي كان له الفضل بعد الله لما انا عليه الآن التحقت بفريق لوتو كان بقيادة المدرب حمد اللي كان وده يسجلني في القادسيه من البدايه لكني رفضت وفضلت الحواري لاني احبها وتعودت عليها وعلى اللعب حافي حر في الملعب بدون التزامات بعد فريق لوتو رحت تمرنت بفريق الإتفاق رغبة مني اني اتمرن في نادي وبتأثير أصدقاء لي يتمرنون في الإتفاق تمرنت معاهم لمدة أسبوع بعدها قالوا خلاص بنوقع معاك طلعت هذاك اليوم وكان فريق لوتو مباراة في نادي الإتفاق وانا طالع شافني المدرب حمد الدوسري قالي وش عندك هنا قلت اتمرن مع الإتفاق ولحظة ماقلت له هالجملة ترك المدرب حمد فريق لوتو وسحبني مباشرة لنادي القادسية وقالي أنت في الإتفاق بتسجل في الشباب وبعد سنتين بتطلع للفريق الاول وأنا الحين بسجلك في القادسية في الفريق الاول مباشره وتحت إشراف المدري البرازيلي كابرال ويبخلونك محترف وقال لي بلعب في جدة ضد الغتحاد والاهلي وفي الرياض ضد الهلال والنصر أغراني في ذاك الوقت وسجلت في القادسيه.
كيف كانت بدايتك مع القادسيه؟
كانت صعبة جدا لأني في بدايتي مع الفريق كنت توني مسجل في جامعة البترول والكل يعرف مدى صعوبة الدراسة فيها للمنتظمين كيف علي انا اللي أتمرن يوميا مع النادي..اللي سويته اني ضغطت على نفسي صرت أدرس واتمرن في النادي لحالي مع المدرب لمدة شهر قبل بداية الدوري وبدون أستخدام الكرة نهائيا في التمرين يوميا ومع بداية الدوري دخلت مع المجموعه ووقتها قال المدرب كابرال لللاعبين إن ياسر بيلعب مباراة الإتحاد يمكن تستغربون لانه ماتدرب معاكم من شهر لكن قالهم حكاية التمرين لحالي وانضباطي في التمرين حتى أنه كان يعطيني التمارين ويتركني ويراقبني من بعيد وانا اطبق اللي يقوله بحذافيره.
هل استمرت معاناتك بين الدراسه والنادي؟
حاولت اضغط على نفسي كثير ومن اول سنة لي مع النادي انضميت للمنتخب وزادت الصعوبه في الدراسه في جامعة البترول والورة بنفس الوقت ضغطت على نفسي واستمريت حتى السنة الثانيه لكني فشلت في التوفيق بينهم ورحت لكلية المعلمين قلت يمكن أسهل دراسة من جامعة البترول ومرت سنة وانا في كلية المعلمين وبعدها انضميت للمنتخب الاول وقتها كانت بطولة كأس العرب في الكويت ولا قدرت اواصل لافي جامعة البترول ولا في كلية المعلمين لكن لازال عندي اصرار كبير اني ادرس لو بنظام الانتساب إن شاء الله.
مثلك الأعلى في حياتك؟
الوالد الله يحفظه.
وفي كرة القدم؟
عالميا مارادونا وشيفشينكو اللي احبه كثيرا ومحليا ماجد عبدالله وسامي الجابر وكنت اتمنى أني لعبت في وقت ماجد,لكن احمد الله أني جيت في وقت سامي موجود وألعب بجانبه وأستفيد منه في الملعب والكابتن ماجد أيضا لايبخل علي بتوجيهاته دائما خارج الملعب.
هل تفضل أن يكونوا أبناؤك لاعبي كرة قدم مثلك؟
بترك لهم الحريه التامة في اختيار أي توجه يحبونه حتى لو كان كرة القدم.
وإذا قال واحد منهم بلعب في نادي الإتفاق؟
ماعندي مانع يلعب لللأتفاق لانه ناد كبير.
اول هديه حصلت عليها ممن؟ وماهي الهديه الأغلى عليك؟
كانت هدية نجاحي من اولى إبتدائي من الوالد الله يحفظه والأغلى من الوالد بعد نجاحي من الثانوية العامة.
هل تحب القراءة؟
أحب الشعر واهوى قراءته. هل تحب الجلوس في المنزل اكثر ام خارجه ؟
ما ااجلس في البيت الا في الاوقات العاديه اللي مفروض الواحد يكون فيها في البيت مثل الظهر والعصر واحب اطلع كثيرا حتى ان اصدقائي يقولون انت ماتعرف تصير مشهوره تحصلني معاهم في مطعم اضحك بصوت عالي وامزح معهم بشكل طبيعي بس احصل منهم انتقادات انه انا معروف عند الناس لازم مااسوي اى شىء في الامكان العامه زي كذا لكن بصراحه مااسمعلهم وعايش حياتي طبيعي مثل اى شاب .

هذا ياسر كورته للمرمى تسير

يعني تبونه تظيع هذا شيء ماليصير